Dawn it-Termini tas-Servizz tal-Pjattaforma ta' Google Maps, inklużi l-AUP u Termini oħra tal-URL (flimkien, il-"Ftehim") qed jidħlu fihom Google (kif definit fuq https://cloud.google.com/terms/google-entity) u l-entità jew il-persuna li taqbel ma' dawn it-termini (il-"Klijent"), u jirregolaw l-aċċess tal-Klijent għas-Servizzi u l-użu tagħhom. 

Dan il-Ftehim isir effettiv meta l-Klijent jikklikkja biex jaċċetta l-Ftehim, jew jidħol fi ftehim li fih dawn it-termini huma inkorporati permezz ta' referenza (id-"Data Effettiva"). Bħala l-persuna li taċċetta dan il-Ftehim f’isem il-Klijent, inti tirrappreżenta u tiggarantixxi li: (a) għandek awtorità legali sħiħa biex torbot lill-Klijent ma’ dan il-Ftehim; (b) qrajt u fhimt dan il-Ftehim; u (c) taqbel, f'isem il-Klijent, ma' dan il-Ftehim. Jekk m'għandekx l-awtorità legali li torbot lill-Klijent, jekk jogħġbok tikklikkjax biex taċċetta jew tuża s-Servizzi.

1.1 Il-Console tal-Amministratur. Il-Klijent se jkollu aċċess għall-Console tal-Amministratur, li permezz tiegħu l-Klijent jista’ jamministra l-użu tiegħu tas-Servizzi. Il-Klijent għandu juża l-Console tal-Amministratur skont id-Dokumentazzjoni tal-Console tal-Amministratur.

1.2 Kontijiet. Il-Klijent għandu jkollu Kont biex juża s-Servizzi u huwa responsabbli għall-informazzjoni li jipprovdi biex joħloq il-Kont, is-sigurtà tal-passwords tiegħu għall-Kont, u għal kwalunkwe użu tal-Kont tiegħu, inkluż kwalunkwe użu tal-key(s) tal-API tiegħu. Il-Klijent huwa responsabbli biex jiżgura li dominji u applikazzjonijiet awtorizzati biss jużaw is-Servizzi. Google m'għandha l-ebda obbligu li tipprovdi kontijiet multipli lill-Klijent.

1.3 Aġġornamenti

(a) Għas-Servizzi. Google tista' taġġorna, twaqqaf, u timmodifika f'mod ieħor is-Servizzi minn żmien għal żmien, soġġett għal 1.3(c). Google se tinnotifika lill-Klijent jekk tagħmel bidla fis-Servizzi li tnaqqas materjalment il-karatteristiċi jew il-funzjonalitajiet tas-Servizz, sakemm il-Klijent ikun abbona ma' Google biex ikun infurmat dwar bidla bħal din. 

(b) Għall-Ftehim. Google tista' tagħmel aġġornamenti għall-Ftehim (inklużi t-termini tal-URL) u għall-prezzijiet minn żmien għal żmien. Google se tippowstja kwalunkwe modifika għal dan il-Ftehim fuq https://cloud.google.com/maps-platform/terms. Sakemm ma jkunx innutat mod ieħor minn Google, bidliet materjali fil-Ftehim se jsiru effettivi 30 jum wara li jingħata avviż, ħlief sal-punt li l-bidliet japplikaw għal Servizzi jew funzjonalità ġodda jew huma meħtieġa mil-liġi applikabbli jew ordni tal-qorti, f'liema każ se jkunu effettivi immedjatament. Google se tipprovdi avviż tal-inqas 90 jum bil-quddiem għal bidliet materjalment negattivi għal kwalunkwe SLAs billi: (i) tibgħat email lill-Indirizz tal-Email ta' Notifika; (ii) tpoġġi avviż fil-Console tal-Amministratur; jew (iii) tpoġġi avviż fuq il-paġna web tal-SLA applikabbli. Jekk il-Klijent ma jaqbilx mal-Ftehim rivedut, il-Klijent jista' jieqaf juża s-Servizzi. Il-Klijent jista' wkoll itemm dan il-Ftehim għal konvenjenza taħt it-Taqsima 10.4 (Terminazzjoni għal Konvenjenza). Jekk il-Klijent ikompli juża s-Servizzi wara li l-bidla materjali ssir effettiva, dan se jikkostitwixxi l-kunsens tal-Klijent għal tali aġġornament.

(c) Servizzi Li Jitwaqqfu. Google se tinnotifika lill-Klijent tal-inqas 12-il xahar qabel ma twaqqaf Servizz (jew funzjonalità materjali assoċjata) mingħajr ma tipprovdi sostituzzjoni materjalment simili. Barra minn hekk, Google se tinnotifika lill-Klijent tal-inqas 12-il xahar qabel ma timmodifika f'mod retrokompatibbli kwalunkwe API ta' Google orjentat lejn il-Klijent. Xejn f'din it-Taqsima1.3(c) ma jillimita l-kapaċità ta' Google li tagħmel il-bidliet meħtieġa biex tikkonforma mal-liġi applikabbli, tindirizza riskju materjali tas-sigurtà, jew tevita piż ekonomiku jew tekniku materjali sostanzjali. Din it-Taqsima 1.3(c) ma tapplikax għal Servizzi, offerti jew funzjonalità ta' qabel id-disponibbiltà ġenerali. 

2.1 Kwota Mingħajr Ħlas. Ċerti Servizzi huma pprovduti lill-Klijent mingħajr ħlas sal-Livell tat-Tariffa, skont kif applikabbli.

2.2 Fatturazzjoni Online. Fi tmiem il-Perjodu ta' Akkumulazzjoni tat-Tariffi applikabbli, Google se toħroġ kont elettroniku lill-Klijent għall-ispejjeż kollha dovuti abbażi tal-użu mill-Klijent tas-Servizzi matul il-Perjodu ta' Akkumulazzjoni tat-Tariffi applikabbli (inklużi, jekk applikabbli, it-Tariffi rilevanti għas-Servizzi ta' Appoġġ Tekniku ta' Maps). Jekk Google tiddetermina b'mod raġonevoli, abbażi ta' evidenza disponibbli għal Google, li l-Klijent jinsab f'riskju li ma jħallasx jew li l-Kont tal-Klijent huwa potenzjalment frawdolenti, allura Google tista' toħroġ fattura lill-Klijent b'mod aktar frekwenti. Il-Klijent se jħallas it-Tariffi kollha mniżżla fil-fattura. Jekk il-Klijent jagħżel li jħallas b'karta ta' kreditu, karta ta' debitu, jew forma oħra ta' pagament mhux fatturata, Google se titlob (u l-Klijent se jħallas) it-Tariffi kollha immedjatament fi tmiem il-Perjodu ta' Akkumulazzjoni tat-Tariffi. Jekk il-Klijent jagħżel li jħallas permezz ta' fattura (u Google taqbel), it-Tariffi kollha huma dovuti kif iddikjarat fil-fattura. Sakemm ma jkunx meħtieġ mil-liġi, l-obbligu tal-Klijent li jħallas it-Tariffi kollha mhuwiex kanċellabbli. Il-kejl ta' Google tal-użu mill-Klijent tas-Servizzi huwa finali. Google m'għandha l-ebda obbligu li tipprovdi kontijiet multipli. Pagamenti li jsiru permezz ta' trasferiment telegrafiku (wire transfer) iridu jinkludu l-informazzjoni bankarja pprovduta minn Google.

2.3 Taxxi.

(a) Il-Klijent huwa responsabbli għal kwalunkwe Taxxa, u l-Klijent se jħallas lil Google għas-Servizzi mingħajr ebda tnaqqis għat-Taxxi. Jekk Google tkun obbligata tiġbor jew tħallas it-Taxxi, it-Taxxi jiġu fatturati lill-Klijent u l-Klijent se jħallas dawn it-Taxxi lil Google, sakemm il-Klijent ma jipprovdix lil Google ċertifikat ta' eżenzjoni mit-taxxa f'waqtu u validu fir-rigward ta' dawk it-Taxxi. Jekk iridu jitnaqqsu xi Taxxi minn kwalunkwe pagament lil Google, allura l-Klijent se jżid il-pagament lil Google sabiex l-ammont nett li Google tirċievi jkun ugwali għall-ammont fatturat, mingħajr tnaqqis għat-Taxxi.

(b) Jekk meħtieġ taħt il-liġi applikabbli, il-Klijent se jipprovdi lil Google bl-informazzjoni ta' identifikazzjoni tat-taxxa applikabbli li Google tista' teħtieġ biex tiżgura l-konformità tagħha mar-regolamenti u l-awtoritajiet tat-taxxa applikabbli fil-ġurisdizzjonijiet applikabbli. Il-Klijent se jkun responsabbli li jħallas (jew iħallas lura lil Google) kwalunkwe taxxa, imgħax, penali jew multa li jirriżultaw minn kwalunkwe dikjarazzjoni ħażina mill-Klijent.

2.4 Tilwim dwar il-Pagamenti u Flus Lura. Kwalunkwe tilwima dwar pagament għandha tiġi sottomessa in bona fede qabel id-data dovuta għall-pagament. Jekk Google, wara li tkun irrevediet it-tilwima in bona fede, tiddetermina li ċerti ineżattezzi fil-kontijiet huma attribwibbli lil Google, Google mhux se toħroġ fattura kkoreġuta, iżda minflok se toħroġ nota ta' kreditu li tispeċifika l-ammont mhux korrett fil-fattura affettwata. Jekk fattura kkontestata tkun għadha ma tħallsitx, Google se tapplika l-ammont tan-nota ta' kreditu għal fattura kkontestata, u l-Klijent se jkun responsabbli għall-pagament tal-bilanċ nett dovut fuq dik il-fattura. Flus lura mogħtija minn Google għal ineżattezzi fil-kontijiet taħt din it-Taqsima se jkunu biss fil-forma ta’ kreditu għas-Servizzi. Xejn fil-Ftehim ma jobbliga lil Google testendi kreditu lil xi parti.

2.5 Pagamenti Delinkwenti; Sospensjoni. Pagamenti tardivi (li, għaċ-ċarezza, ma jinkludux ammonti soġġetti għal tilwima dwar pagament in bona fede sottomessa qabel id-data dovuta tal-pagament), jistgħu jkollhom imgħax bir-rata ta’ 1.5% fix-xahar (jew l-ogħla rata permessa mil-liġi, jekk inqas) mid-data dovuta tal-pagament sakemm jitħallas kollu. Il-Klijent se jkun responsabbli għall-ispejjeż raġonevoli kollha (inklużi t-tariffi tal-avukati) imġarrba minn Google fil-ġbir ta’ tali ammonti delinkwenti. Barra minn hekk, fil-każ li kwalunkwe pagament tardiv għas-Servizzi jkun għadu pendenti, Google tista' Tissospendi s-Servizzi. 

2.6 Ebda Numru tal-Ordni tax-Xiri Mhu Meħtieġ. Il-Klijent huwa obbligat iħallas it-Tariffi applikabbli kollha mingħajr ebda rekwiżit għal Google li tipprovdi numru tal-ordni tax-xiri fuq il-fattura ta' Google (jew mod ieħor). 

3.1 Għoti ta' Liċenzja. Soġġett għat-termini tal-Ftehim, matul it-Terminu, Google tagħti lill-Klijent liċenzja mhux esklussiva, mhux trasferibbli, u mhux subliċenzjabbli biex juża s-Servizzi fl-Applikazzjoni(jiet) tal-Klijent.

3.2 Rekwiżiti u Restrizzjonijiet tal-Liċenzja. Dawn li ġejjin huma kundizzjonijiet tal-liċenzja mogħtija fit-Taqsima 3.1 (Għoti ta' Liċenzja). F'din it-Taqsima 3.2 (Rekwiżiti u Restrizzjonijiet tal-Liċenzja), il-frażi "Il-Klijent mhux se" tfisser "Il-Klijent mhux se, u mhux se jippermetti lil parti terza li".

3.2.1 Restrizzjonijiet Ġenerali. Il-Klijent mhux se: (a) jikkopja, jimmodifika, joħloq xogħol derivattiv ta’, jagħmel inġinerija inversa, jiddekompila, jittraduċi, iżarma, jew b’xi mod ieħor jipprova jiġbed kwalunkwe parti mill-kodiċi tas-sors jew kollu kemm hu (ħlief sal-punt li tali restrizzjoni hija espressament ipprojbita mil-liġi applikabbli); (b) ibigħ, ibigħ mill-ġdid, jissottoliċenzja, jittrasferixxi, jew iqassam is-Servizzi; jew (c) jaċċessa jew juża s-Servizzi: (i) għal Attivitajiet ta' Riskju Għoli; (ii) b'mod intenzjonat biex jiġu evitati t-Tariffi; (iii) għal materjali jew attivitajiet li huma soġġetti għar-Regolamenti Internazzjonali dwar it-Traffikar fl-Armi (ITAR) miżmuma mid-Dipartiment tal-Istat tal-Istati Uniti; (iv) b'mod li jikser jew jikkawża l-ksur tal-Liġijiet dwar il-Kontroll tal-Esportazzjoni; jew (v) biex jittrażmetti, jaħżen, jew jipproċessa informazzjoni dwar is-saħħa soġġetta għar-regolamenti tal-HIPAA tal-Istati Uniti.

3.2.2 Rekwiżiti għall-Użu tas-Servizzi.

(a) Termini tas-Servizz u Politika tal-Privatezza.

(i) It-termini tas-servizz tal-Applikazzjoni tal-Klijent se (A) jinnotifikaw lill-utenti li l-Applikazzjoni tal-Klijent tinkludi karatteristiċi u kontenut ta’ Google Maps; u (B) jiddikjaraw li l-użu tal-karatteristiċi u l-kontenut ta' Google Maps huwa soġġett għall-verżjonijiet attwali ta' dak iż-żmien ta': (1) it-Termini tas-Servizz Addizzjonali ta' Google Maps/Google Earth fuq https://maps.google.com/help/terms_maps/; u (2) l-Politika tal-Privatezza ta' Google fuq https://policies.google.com/privacy.

(ii) Jekk l-Applikazzjoni tal-Klijent tippermetti lill-utenti jinkludu s-Servizzi Ewlenin ta’ Google Maps fi Prodotti Downstream, allura l-Klijent se jeħtieġ b’kuntratt li t-termini kollha tas-servizz tal-Prodotti Downstream jissodisfaw l-istess rekwiżiti ta’ avviż u ta' subkuntrattar li japplikaw għall-Applikazzjoni tal-Klijent taħt it-Taqsima 3.2.2 (a) (i) (Termini tas-Servizz u Politika tal-Privatezza).

(iii) Jekk l-utenti tal-Applikazzjoni tal-Klijent (u l-Prodotti Downstream, jekk ikun hemm) jonqsu milli jikkonformaw mat-termini applikabbli tat-Termini ta’ Servizz Addizzjonali ta’ Google Maps/Google Earth, allura l-Klijent se jieħu l-azzjoni ta’ infurzar xierqa, inkluż is-Sospensjoni jew it-terminazzjoni tal-użu minn dawk l-utenti tal-karatteristiċi u l-kontenut ta’ Google Maps fl-Applikazzjoni tal-Klijent jew il-Prodotti Downstream.

(b) Attribuzzjoni. Il-Klijent se juri l-attribuzzjoni kollha li (i) Google tipprovdi permezz tas-Servizzi (inklużi d-ditti, il-logos, u l-avviżi dwar id-drittijiet tal-awtur u t-trademarks); jew (ii) hija speċifikata fit-Termini Speċifiċi tas-Servizz ta' Maps. Il-Klijent mhux se jimmodifika, joskura, jew iħassar tali attribuzzjoni.

(c) Reviżjoni tal-Applikazzjonijiet tal-Klijent. Fuq talba ta’ Google, il-Klijent se jissottometti Applikazzjoni(jiet) u Proġett(i) tal-Klijent lil Google għal reviżjoni biex tiġi żgurata l-konformità mal-Ftehim (inkluż l-AUP).

3.2.3 Restrizzjonijiet Kontra Użu Ħażin tas-Servizzi.

(a) Ebda Scraping. Il-Klijent mhux se jesporta, jestratta, jew iwettaq scraping b'xi mod ieħor tal-Kontenut ta' Google Maps għal użu barra mis-Servizzi. Pereżempju, il-Klijent mhux se: (i) ifittex minn qabel, ipoġġi f'indiċi, jaħżen, jaqsam mill-ġdid, jew jerġa' jospita Kontenut ta' Google Maps barra mis-servizzi; (ii) iniżżel volumi kbar ta' tiles ta' Google Maps, immaġni ta' Street View, ġeokodiċi, direzzjonijiet, riżultati tal-matriċi tad-distanza, informazzjoni dwar it-toroq, informazzjoni dwar il-postijiet, valuri tal-elevazzjoni, u dettalji taż-żona tal-ħin; (iii) jikkopja u jissejvja l-ismijiet, l-indirizzi, jew ir-reċensjonijiet tal-utenti ta' negozji; jew (iv) juża Kontenut ta' Google Maps ma' servizzi ta' test għal taħdit.

(b) Ebda Caching. Il-Klijent mhux se jagħmel caching ta' Kontenut ta' Google Maps ħlief kif espressament permess taħt it-Termini Speċifiċi tas-Servizz ta' Maps.

(c) Ebda Ħolqien ta' Kontenut Mill-Kontenut ta' Google Maps. Il-Klijent mhux se joħloq kontenut ibbażat fuq il-Kontenut ta' Google Maps. Pereżempju, il-Klijent mhux se: (i) jintraċċa jew jiddiġitalizza toroq, kontorni ta' bini, arbli ta' utilitajiet, jew linji elettriċi mit-tip ta' mappa b'bażi tas-Satellita tal-API JavaScript ta' Maps; (ii) joħloq mudelli ta' bini 3D minn Immaġni 45° mill-API JavaScript ta' Maps; (iii) jibni mudelli tat-terren ibbażati fuq il-valuri tal-elevazzjoni mill-API Elevation; (iv) juża valuri tal-latitudni/lonġitudni mill-API Places bħala input għall-analiżi tal-punt fil-poligonu; (v) jibni indiċi tal-postijiet tas-siġar f'belt minn xbihat ta' Street View; jew (vi) jikkonverti l-ħinijiet ta' sewqan ibbażati fuq test f'riżultati ta' diskors sintetizzat.

(d) Ebda Ħolqien mill-Ġdid ta' Prodotti jew Karatteristiċi ta' Google. Il-Klijent mhux se juża s-Servizzi biex joħloq prodott jew servizz b'karatteristiċi li huma sostanzjalment simili għal jew li joħolqu mill-ġdid il-karatteristiċi ta' prodott jew servizz ieħor ta' Google. Il-prodott jew is-servizz tal-Klijent għandu jkun fih valur sostanzjali u indipendenti u karatteristiċi lil hinn mill-prodotti jew is-servizzi ta' Google. Pereżempju, il-Klijent mhux se: (i) jerġa’ jqassam is-Servizzi Ewlenin ta’ Google Maps jew jgħaddihom bħallikieku kienu s-servizzi tal-Klijent; (ii) juża s-Servizzi Ewlenin ta' Google Maps biex joħloq sostitut tas-Servizzi Ewlenin ta' Google Maps, Google Maps, jew apps tal-mowbajl ta' Google Maps, jew il-karatteristiċi tagħhom; (iii) juża s-Servizzi Ewlenin ta' Google Maps f'listings jew servizz ta' direttorju jew biex joħloq jew itejjeb prodott ta' reklamar; (iv) jikkombina dejta mid-Direzzjonijiet tal-API, l-Ġeolokalizzazzjoni tal-API, u Maps SDK għal Android biex joħloq funzjonalità tan-navigazzjoni f'ħin reali sostanzjalment simili għall-funzjonalità pprovduta mill-app tal-mowbajl ta' Google Maps għal Android.

(e) Ebda Użu Ma' Mapep Li Mhumiex ta' Google. Biex jiġu evitati kwistjonijiet ta' kwalità u/jew konfużjoni tad-ditta, il-Klijent mhux se juża s-Servizzi Ewlenin ta' Google Maps ma' jew qrib mappa li mhix ta' Google Map f'Applikazzjoni tal-Klijent. Pereżempju, il-Klijent mhux se (i) juri jew juża kontenut ta' Places fuq mappa li mhix ta' Google, (ii) juri xbihat ta' Street View u mapep li mhumiex ta' Google fuq l-istess skrin, jew (iii) joħloq link bejn Google Map u kontenut li mhuwiex ta' Google Maps jew mappa li mhix ta' Google.

(f) Ebda Evażjoni ta' Tariffi. Il-Klijent mhux se jevadi t-Tariffi applikabbli. Pereżempju, il-Klijent mhux se joħloq kontijiet għall-fatturazzjoni jew Proġetti multipli biex jevita li jeħel it-Tariffi, jipprevjeni lil Google milli tikkalkula b’mod preċiż il-livelli ta’ użu tas-Servizz mill-Klijent, jabbuża minn kwalunkwe kwoti tas-Servizz mingħajr ħlas, jew joffri aċċess għas-Servizzi taħt mudell ta’ “time-sharing” jew “ċentru tas-servizzi”.

(g) Ebda Użu f'Territorji Projbiti. Il-Klijent mhux se jqassam jew jikkummerċjalizza f'Territorju Projbit kwalunkwe Applikazzjoni(jiet) tal-Klijent li jużaw is-Servizzi Ewlenin ta' Google Maps.

(h) Ebda Użu f'Sistemi tal-Vetturi Inkorporati. Il-Klijent mhux se juża s-Servizzi Ewlenin ta' Google Maps b'rabta ma' kwalunkwe Applikazzjoni tal-Klijent jew apparat inkorporat f'vettura. Pereżempju, il-Klijent mhux se joħloq Applikazzjoni tal-Klijent li (i) tkun inkorporata f'sistema ta' inforikreazzjoni tal-karozza ġewwa d-dashboard; u (ii) tippermetti lill-Utenti Finali jitolbu direzzjonijiet tas-sewqan mid-Direzzjonijiet tal-API.

(i) Ebda Użu f'Applikazzjoni tal-Klijent Immirata għat-Tfal. Il-Klijent mhux se juża s-Servizzi Ewlenin ta’ Google Maps f’Applikazzjoni tal-Klijent li titqies bħala “Sit web jew servizz online dirett lejn it-tfal” taħt l-Att dwar il-Protezzjoni tal-Privatezza Online tat-Tfal (COPPA).

(j) Ebda Modifikazzjoni tal-Integrità tar-Riżultati tat-Tiftix. Il-Klijent mhu se jimmodifika l-ebda riżultat tat-tiftix tas-Servizzi Ewlenin ta' Google Maps.

3.2.4 Parametraġġ Referenzjarju. Jekk il-Klijent jiżvela pubblikament (kemm jekk direttament jew permezz ta’ parti terza) ir-riżultati ta’ kwalunkwe ttestjar komparattiv jew ta’ kompatibilità, parametraġġ referenzjajru, jew evalwazzjoni tas-Servizzi (kull wieħed, “Test”): (a) l-iżvelar għandu jinkludi l-informazzjoni kollha meħtieġa għal Google jew parti terza biex tirreplika t-Test; u (b) Google tista' twettaq u tiżvela pubblikament ir-riżultati tat-Testijiet kontra prodotti jew servizzi disponibbli pubblikament ipprovduti mill-Klijent. 

4.1 Konformità. Il-Klijent se: (a) jiżgura li l-użu tas-Servizzi mill-Klijent u l-Utenti Finali tiegħu jikkonforma mal-Ftehim; (b) jipprevjeni u jtemm kwalunkwe użu mhux awtorizzat ta' jew aċċess għall-Kont(ijiet) tiegħu jew is-Servizzi; u (c) jinnotifika minnufih lil Google dwar kwalunkwe użu mhux awtorizzat ta' jew aċċess għall-Kont(ijiet) tiegħu jew is-Servizzi li l-Klijent isir jaf bih.

4.2 Dokumentazzjoni. Google tista' tipprovdi Dokumentazzjoni għall-użu tas-Servizzi mill-Klijent. Id-Dokumentazzjoni tista’ tispeċifika restrizzjonijiet (eż. restrizzjonijiet ta’ attribuzzjoni jew HTML) fuq kif is-Servizzi jistgħu jintużaw u l-Klijent se jikkonforma ma’ kwalunkwe restrizzjoni speċifikata bħal din.

4.3 Politika tad-Drittijiet tal-Awtur. Google se twieġeb għal avviżi ta’ ksur allegat tad-drittijiet tal-awtur u tista’ ttemm lil dawk li jwettqu ksur ripetutament f’ċirkostanzi xierqa kif meħtieġ biex iżżomm port sikur għall-fornituri tas-servizzi online taħt l-Att dwar id-Drittijiet tal-Awtur tal-Millenju Diġitali tal-Istati Uniti. Jekk il-Klijent jemmen li persuna jew entità qed tikser id-drittijiet tal-awtur tal-Klijent jew tal-Utenti Finali u jixtieq jinnotifika lil Google, il-Klijent jista’ jsib informazzjoni dwar kif jissottometti avviżi, u l-politika ta’ Google dwar kif twieġeb għall-avviżi fuq https://www.google.com/dmca.

4.4 Użu, Protezzjoni, u Privatezza tad-Dejta.

(a) Użu u Żamma tad-Dejta. Biex tipprovdi s-Servizzi permezz tal-Applikazzjoni(jiet) tal-Klijent, Google tiġbor u tirċievi dejta mill-Klijent u mill-Utenti Finali (u mill-Utenti Finali tal-Utenti Finali, jekk ikun hemm), inklużi t-termini tat-tiftix, l-indirizzi IP, u l-koordinati tal-latitudni/lonġitudni. Il-Klijent jirrikonoxxi u jaqbel li Google u l-Affiljati tagħha jistgħu jużaw u jżommu din id-dejta biex jipprovdu u jtejbu l-prodotti u s-servizzi ta’ Google, soġġett għall-Politika tal-Privatezza ta’ Google fuq https://policies.google.com/privacy.

(b) Termini tal-Protezzjoni tad-Dejta Google u l-Klijent jaqblu mat-Termini tal-Protezzjoni tad-Dejta bejn Kontrollur u Ieħor fuq https://business.safety.google/controllerterms/.

(c) Rekwiżiti tal-Utent Finali.

(i) Privatezza tal-Utent Finali. L-użu mill-Klijent tas-Servizzi fl-Applikazzjoni tal-Klijent se jikkonforma mal-liġijiet dwar il-privatezza applikabbli, inklużi l-liġijiet dwar is-Servizzi li jaħżnu u jaċċessaw Cookies fuq apparati tal-Utenti Finali. Il-Klijent se jikkonforma mal-Politika tal-Kunsens li tkun fis-seħħ dak iż-żmien fuq https://www.google.com/about/company/user-consent-policy/, jekk applikabbli.

(ii) Dejta Personali tal-Utent Finali. Permezz tal-funzjonament normali tas-Servizzi Ewlenin ta' Google Maps, l-Utenti Finali jipprovdu informazzjoni li tista' tidentifikahom personalment u Dejta Personali direttament lil Google, soġġett għall-Politika tal-Privatezza ta' Google li tkun fis-seħħ dak iż-żmien fuq https://policies.google.com/privacy. Madankollu, il-Klijent mhux se jipprovdi lil Google (1) kwalunkwe informazzjoni li tista' tidentifika personalment lill-Utent Finali; jew (2) kwalunkwe Dejta Personali tal-Utent Finali Ewropew (fejn “Ewropew” tfisser “iż-Żona Ekonomika Ewropea, l-Iżvizzera, jew ir-Renju Unit”).

(iii) Rekwiżiti tal-Privatezza tal-Post tal-Utent Finali. Sabiex jissalvagwardja l-privatezza tal-post tal-Utenti Finali, il-Klijent se jiżgura li l-Applikazzjoni(jiet) tal-Klijent: (A) jinnotifikaw lill-Utenti Finali bil-quddiem dwar (1) it-tip(i) ta’ dejta li l-Klijent biħsiebu jiġbor mill-Utenti Finali jew l-apparati tal-Utenti Finali, u (2) il-kombinazzjoni u l-użu tal-post tal-Utent Finali ma’ kwalunkwe dejta oħra ta’ fornitur tad-dejta; u (B) mhux se jiksbu jew iwettqu caching tal-post ta' kwalunkwe Utent Finali ħlief bil-kunsens espress, minn qabel, u revokabbli tal-Utent Finali.

5.1 Ksur tal-AUP. Jekk Google ssir taf li l-użu tas-Servizzi mill-Klijent jew minn kwalunkwe Utent Finali jikser l-AUP, Google se tinnotifika lill-Klijent u titlob lill-Klijent biex jikkoreġi l-ksur. Jekk il-Klijent jonqos milli jikkoreġi l-ksur fi żmien 24 siegħa, jew jekk Google tkun meħtieġa b'xi mod ieħor mil-liġi applikabbli biex tieħu azzjoni, allura Google tista' Tissospendi l-użu kollu jew parzjali tas-Servizzi mill-Klijent sakemm il-ksur jiġi kkoreġut.

5.2 Sospensjoni Oħra. Minkejja t-Taqsima 5.1 (Ksur tal-AUP), Google tista' Tissospendi minnufih l-użu tas-Servizzi mill-Klijent jekk (a) Google temmen b'mod raġonevoli li s-Sospensjoni hija meħtieġa biex tipproteġi s-Servizzi, l-infrastruttura ta' Google li tappoġġja s-Servizzi, jew kwalunkwe klijent ieħor tas-Servizzi (jew l-utenti finali tagħhom); (b) Google hija meħtieġa Tissospendi tali użu biex tikkonforma mal-liġi applikabbli; (c) hemm suspett ta' aċċess mhux awtorizzat minn parti terza għas-Servizzi; jew (d) il-Klijent jikser it-Taqsima 3.2 (Rekwiżiti u Restrizzjonijiet tal-Liċenzja), jew it-Taqsima 4.4 (Użu, Protezzjoni, u Privatezza tad-Dejta). Google se tneħħi kwalunkwe Sospensjoni bħal din meta ċ-ċirkostanzi li jagħtu lok għas-Sospensjoni jkunu ġew solvuti għas-sodisfazzjon ta' Google. Fuq talba tal-Klijent, Google se, sakemm ma jkunx ipprojbit mil-liġi applikabbli, tinnotifika lill-Klijent dwar il-bażi għas-Sospensjoni malajr kemm jista' jkun raġonevolment possibbli.

5.3 Għal Ksur Allegat tad-Drittijiet ta' Proprjetà Intellettwali ta' Parti Terza. Jekk l-Applikazzjoni tal-Klijent hija allegata li tikser id-Drittijiet ta' Proprjetà Intellettwali ta’ parti terza, Google tista’ tissospendi l-użu kollu tas-Servizzi ta’ Google Maps fl-Applikazzjoni tal-Klijent b’avviż bil-miktub ta’ 30 jum sakemm tali allegazzjoni tiġi solvuta għal kollox. Din it-Taqsima 5.3 (Għal Ksur Allegat tad-Drittijiet ta' Proprjetà Intellettwali ta' Parti Terza) ma tnaqqasx l-obbligi tal-Klijent taħt it-Taqsima 14 (Indennizz).

6.1 Drittijiet ta’ Proprjetà Intellettwali. Ħlief kif iddikjarat espressament fil-Ftehim, il-Ftehim ma jagħti lill-ebda parti kwalunkwe dritt, impliċitu jew le, għall-kontenut jew kwalunkwe proprjetà intellettwali tal-parti l-oħra. Bħal bejn il-partijiet, il-Klijent iżomm id-Drittijiet ta’ Proprjetà Intellettwali kollha fl-Applikazzjoni tal-Klijent, u Google żżomm id-Drittijiet ta’ Proprjetà Intellettwali kollha fis-Servizzi Ewlenin ta' Google Maps.

6.2 Feedback tal-Klijent. Jekk il-Klijent jipprovdi feedback jew suġġerimenti lil Google dwar is-Servizzi (“Feedback”), allura Google tista' tuża dak il-Feedback mingħajr restrizzjoni u mingħajr obbligu lejn il-Klijent.

Ċerti komponenti tas-Servizzi (inkluż is-software b'sors miftuħ) huma soġġetti għal drittijiet tal-awtur ta’ partijiet terzi u Drittijiet ta’ Proprjetà Intellettwali oħra, kif speċifikat: (a) fl-Avviżi Legali ta’ Google Maps/Google Earth fuq https://www.google.com/help/legalnotices_maps/; u (b) fit-termini tal-liċenzja ta' partijiet terzi separati, disponibbli pubblikament, li Google se tipprovdi lill-Klijent fuq talba.

8.1 Mingħand Google. Soġġett għall-pagament tat-Tariffi ta' appoġġ applikabbli, Google se tipprovdi Servizzi ta' Appoġġ Tekniku ta' Maps lill-Klijent matul it-Terminu skont il-Linji Gwida tas-Servizzi ta' Appoġġ Tekniku ta' Maps. 

8.2 Mingħand il-Klijent. Il-Klijent huwa responsabbli għall-appoġġ tekniku tal-Applikazzjonijiet u l-Proġetti tal-Klijent tiegħu stess.

9.1 Obbligi ta' Kunfidenzjalità. Ir-riċevitur se juża l-Informazzjoni Kunfidenzjali tal-parti li tiżvela biss biex jeżerċita d-drittijiet tar-riċevitur u jwettaq l-obbligi tiegħu taħt il-Ftehim, u se juża attenzjoni raġonevoli biex jipproteġi kontra d-divulgazzjoni tal-Informazzjoni Kunfidenzjali tal-parti li tiżvela. Ir-riċevitur jista’ jiżvela Informazzjoni Kunfidenzjali biss lill-impjegati tiegħu, lill-Affiljati, aġenti, jew konsulenti professjonali (“Delegati”) li jkollhom bżonn ikunu jafuha u li qablu bil-miktub (jew fil-każ ta’ konsulenti professjonali huma marbuta b’xi mod ieħor) li jżommuha kunfidenzjali. Ir-riċevitur se jiżgura li d-Delegati tiegħu jużaw l-Informazzjoni Kunfidenzjali riċevuta biss biex jeżerċitaw id-drittijiet u jissodisfaw l-obbligi taħt dan il-Ftehim.

9.2 Żvelar Meħtieġ. Minkejja t-Taqsima 9.1 (Obbligi ta' Kunfidenzjalità), ir-riċevitur u l-Affiljati tiegħu jistgħu jiżvelaw Informazzjoni Kunfidenzjali sal-punt meħtieġ mill-Proċess Legali applikabbli; sakemm ir-riċevitur jew l-Affiljati tiegħu jużaw sforzi kummerċjalment raġonevoli biex: (a) jinnotifikaw minnufih lill-parti l-oħra qabel kwalunkwe żvelar bħal dan; u (b) jikkonformaw mat-talbiet raġonevoli tal-parti l-oħra rigward l-isforzi tagħha biex topponi l-iżvelar. Is-subtaqsimiet (a) u (b) ta’ hawn fuq ma japplikawx jekk ir-riċevitur jiddetermina li l-konformità ma’ (a) u (b) tista’ (i) tirriżulta fi ksur tal-Proċess Legali; (ii) tostakola investigazzjoni governattiva; jew (iii) twassal għall-mewt jew ħsara fiżika serja lil individwu.

9.3 Talbiet għal Żvelar. Bħal bejn il-partijiet, il-Klijent huwa responsabbli biex iwieġeb għat-talbiet kollha ta’ parti terza dwar l-użu tas-Servizzi minnu u mill-Utenti Finali tal-Klijent.

10.1 Terminu tal-Ftehim. It-terminu ta’ dan il-Ftehim (it-“Terminu”) jibda fid-Data Effettiva u jkompli sakemm il-Ftehim jintemm kif iddikjarat f’din it-Taqsima 10. 

10.2 Terminazzjoni għal Ksur. Sal-punt permess mil-liġi applikabbli, kwalunkwe parti tista’ ttemm il-Ftehim immedjatament b’avviż bil-miktub jekk il-parti l-oħra: (a) twettaq ksur materjali tal-Ftehim u tonqos milli ssolvi dak il-ksur fi żmien 30 jum wara li tirċievi l-avviż bil-miktub; (b) tieqaf mill-operazzjonijiet tan-negozju tagħha; jew (c) issir soġġetta għal proċedimenti ta' insolvenza u l-proċedimenti ma jiġux miċħuda fi żmien 90 jum. Google tista’ ttemm Proġetti jew l-aċċess tal-Klijent għas-Servizzi, jekk il-Klijent jissodisfa xi waħda mill-kundizzjonijiet fis-subtaqsimiet (a) jew (b). 

10.3 Terminazzjoni għal Nuqqas ta' Attività. Google tista' ttemm il-forniment ta' Servizzi lil Proġett tal-Klijent b'avviż ta' 30 jum bil-quddiem jekk, għal perjodu ta' 60 jum, il-Proġett ma jkun (a) għamel l-ebda talba lis-Servizzi; u (b) il-Proġett ma jkun ġarrab l-ebda Tariffi għas-Servizzi. 

10.4 Terminazzjoni għal Konvenjenza. Il-Klijent jista' jieqaf juża s-Servizzi fi kwalunkwe ħin. Soġġett għal kwalunkwe impenn finanzjarju f'Formola ta' Ordni jew addendum għal dan il-Ftehim, il-Klijent jista' jtemm dan il-Ftehim għall-konvenjenza tiegħu fi kwalunkwe ħin b'avviż bil-miktub bil-quddiem ta' 30 jum, u mat-terminazzjoni, għandu jieqaf juża s-Servizzi applikabbli. Google tista' ttemm dan il-Ftehim jew kwalunkwe Formola ta' Ordni applikabbli għall-konvenjenza tagħha fi kwalunkwe ħin mingħajr responsabbiltà lejn il-Klijent, b'avviż lill-Klijent bil-miktub bil-quddiem ta' 30 jum.

10.5 Terminazzjoni Minħabba l-Liġi Applikabbli; Ksur ta' Liġijiet. Google tista' ttemm dan il-Ftehim minnufih b'avviż bil-miktub jekk Google temmen b'mod raġonevoli li (a) il-forniment kontinwu ta' kwalunkwe Servizz użat mill-Klijent jikser il-liġi(jiet) applikabbli jew (b) il-Klijent ikun kiser jew ikkawża lil Google tikser xi Liġijiet Kontra t-Tixħim jew Liġijiet dwar il-Kontroll tal-Esportazzjoni.

10.6 Effetti tat-Terminazzjoni. Jekk dan il-Ftehim jintemm: (a) id-drittijiet u l-aċċess kollha għas-Servizzi jintemmu; (b) it-Tariffi kollha dovuti mill-Klijent lil Google jridu jitħallsu minnufih malli jirċievi l-kont elettroniku finali jew kif iddikjarat fil-fattura finali; u (c) il-Klijent irid iħassar is-Software u kwalunkwe kontenut mis-Servizzi sad-data effettiva tat-terminazzjoni.

Il-Klijent jista’ jiddikjara pubblikament li huwa klijent ta’ Google u juri l-Karatteristiċi tad-Ditta ta’ Google skont il-Linji Gwida dwar it-Trademarks. Google tista' tuża l-isem tal-Klijent jew il-Karatteristiċi tad-Ditta f'materjali promozzjonali online jew offline tas-Servizzi. Kull parti tista’ tuża l-Karatteristiċi tad-Ditta tal-parti l-oħra biss kif permess fil-Ftehim. Kwalunkwe użu tal-Karatteristiċi tad-Ditta ta’ parti se jkun ta’ benefiċċju għall-parti li jkollha d-Drittijiet ta’ Proprjetà Intellettwali għal dawk il-Karatteristiċi tad-Ditta. Parti tista’ tirrevoka d-dritt tal-parti l-oħra li tuża l-Karatteristiċi tad-Ditta tagħha taħt din it-Taqsima permezz ta’ avviż bil-miktub lill-parti l-oħra u tagħti perjodu raġonevoli biex jitwaqqaf l-użu.

Kull parti tirrappreżenta u tiggarantixxi li: (a) għandha s-setgħa u l-awtorità sħiħa biex tidħol fil-Ftehim; u (b) se tikkonforma mal-Liġijiet dwar il-Kontroll tal-Esportazzjoni u l-Liġijiet Kontra t-Tixħim applikabbli għall-forniment, ir-riċeviment, jew l-użu minnha tas-Servizzi, kif applikabbli.

ĦLIEF KIF IPPROVDUT ESPRESSAMENT FIL-FTEHIM, SAL-LIMITU SĦIĦ PERMESS MIL-LIĠI APPLIKABBLI, GOOGLE: (A) MA TAGĦMEL L-EBDA GARANZIJA TA’ KWALUNKWE TIP, KEMM JEKK ESPRESSA, IMPLIĊITA, STATUTARJA, JEW F'MOD IEĦOR, INKLUŻ LI TAGĦTI GARANZIJI TA’ KUMMERĊJABBILTÀ, IDONEITÀ GĦAL UŻU PARTIKOLARI, NUQQAS TA' KSUR, JEW UŻU MINGĦAJR ŻBALJI JEW MHUX INTERROTT TAS-SERVIZZI JEW SOFTWARE; (B) MA TAGĦMEL L-EBDA RAPPREŻENTAZZJONI DWAR IL-KONTENUT JEW L-INFORMAZZJONI AĊĊESSIBBLI PERMEZZ TAS-SERVIZZI; U (C) SOĠĠETT GĦAL-LIĠI APPLIKABBLI, SE TKUN MEĦTIEĠA BISS LI TIPPROVDI R-RIMEDJI ESPRESSAMENT IDDIKJARATI FL-SLA GĦAN-NUQQAS LI TIPPROVDI S-SERVIZZI. IS-SERVIZZI EWLENIN TA’ GOOGLE MAPS HUMA PPROVDUTI GĦAL SKOPIJIET TA’ PPJANAR BISS. L-INFORMAZZJONI MIS-SERVIZZI EWLENIN TA' GOOGLE MAPS JISTGĦU JVARJAW MILL-KUNDIZZJONIJIET ATTWALI, U JISTGĦU MA JKUNUX XIERQA GĦALL-APPLIKAZZJONI TAL-KLIJENT. IL-KLIJENT GĦANDU JEŻERĊITA ĠUDIZZJU INDIPENDENTI META JUŻA S-SERVIZZI BIEX JIŻGURA LI (i) GOOGLE MAPS HIJA ADATTA GĦALL-APPLIKAZZJONI TAL-KLIJENT; U (ii) L-APPLIKAZZJONI TAL-KLIJENT HIJA SIGURA GĦALL-UTENTI FINALI U PARTIJIET TERZI OĦRA.

14.1 Obbligi ta' Indennizz tal-Klijent. Sakemm ma jkunx ipprojbit mil-liġi applikabbli, il-Klijent se jiddefendi lil Google u l-Affiljati tagħha u jindennizzahom kontra Responsabbiltajiet Indennizzati fi kwalunkwe Proċediment Legali ta' Parti Terza sal-punt li jirriżultaw minn (a) kwalunkwe Materjali Indennizzati tal-Klijent jew (b) l-użu tas-Servizzi mill-Klijent jew mill-Utent Finali bi ksur tal-AUP jew bi ksur tal-Ftehim.

14.2 Obbligi ta' Indennizz ta' Google. Google se tiddefendi lill-Klijent u l-Affiljati tagħha li qed jipparteċipaw taħt il-Ftehim (il-"Partijiet Indennizzati tal-Klijent"), u tindennizzahom kontra Responsabbiltajiet Indennizzati fi kwalunkwe Proċediment Legali ta' Parti Terza sal-punt li jirriżultaw minn Allegazzjoni li l-użu mill-Partijiet Indennizzati tal-Klijent tal-Materjali Indennizzati ta' Google jikser id-Drittijiet ta’ Proprjetà Intellettwali tal-parti terza. L-obbligi ta’ indennizz ta’ Google taħt din it-Taqsima 14.2 (Obbligi ta’ Indennizz ta’ Google) se jkunu soġġetti għal-limitu tar-responsabbiltà fit-Taqsima 15.1(b) (Responsabbiltajiet Limitati). 

14.3 Esklużjonijiet ta' Indennizz. It-Taqsimiet 14.1 (Obbligi ta' Indennizz tal-Klijent) u 14.2 (Obbligi ta' Indennizz ta' Google) mhux se japplikaw sal-punt li l-Allegazzjoni sottostanti tirriżulta minn (a) ksur tal-Ftehim mill-parti indennizzata jew (b) kombinazzjoni tal-Materjali Indennizzati tal-Klijent jew Materjali Indennizzati ta' Google (kif applikabbli) ma' materjali mhux ipprovduti mill-parti li tagħti l-indennizz, sakemm il-kombinazzjoni ma tkunx meħtieġa mill-Ftehim.

14.4 Kundizzjonijiet ta' Indennizz. It-Taqsimiet 14.1 (Obbligi ta' Indennizz tal-Klijent) u 14.2 (Obbligi ta' Indennizz ta' Google) huma kkundizzjonati minn dan li ġej:

(a) Il-parti indennizzata għandha tinnotifika fil-pront u bil-miktub lill-parti li tagħti l-indennizz dwar kwalunkwe Allegazzjoni(jiet) li jkunu ppreċedew il-Proċediment Legali ta’ Parti Terza u tikkopera b’mod raġonevoli mal-parti li tagħti l-indennizz biex issolvi l-Allegazzjoni(jiet) u l-Proċediment Legali ta’ Parti Terza. Jekk il-ksur ta’ din it-Taqsima 14.4(a) jippreġudika d-difiża tal-Proċediment Legali ta’ Parti Terza, l-obbligi tal-parti li tagħti indennizz taħt it-Taqsima 14.1 (Obbligi ta’ Indennizz tal-Klijent) jew 14.2 (Obbligi ta’ Indennizz ta’ Google) (kif applikabbli) jitnaqqsu fi proporzjon mal-preġudizzju.

(b) Il-parti indennizzata għandha tagħti l-kontroll uniku tal-parzjon indennizzat tal-Proċediment Legali ta’ Parti Terza lill-parti li tagħti l-indennizz, soġġett għal dan li ġej: (i) il-parti indennizzata tista’ taħtar l-avukat tagħha stess li m'għandux interess ta' kontroll, bi spejjeż tagħha; u (ii) kwalunkwe soluzzjoni li teħtieġ li l-parti indennizzata tammetti responsabbiltà, tħallas flus, jew tieħu (jew toqgħod lura milli tieħu) xi azzjoni, teħtieġ il-kunsens bil-miktub minn qabel tal-parti indennizzata, biex din ma tinżammx, tiġi kundizzjonata jew imdewma b’mod mhux raġonevoli.

14.5 Rimedji.

(a) Jekk Google temmen b'mod raġonevoli li s-Servizzi jistgħu jiksru d-Drittijiet ta' Proprjetà Intellettwali ta' parti terza, allura Google tista', bl-għażla u bi spejjeż tagħha: (i) tikseb id-dritt għall-Klijent li jkompli juża s-Servizzi; (ii) timmodifika s-Servizzi biex dawn ma joħolqux ksur mingħajr ma tnaqqas materjalment il-funzjonalità tagħhom; jew (iii) tissostitwixxi s-Servizzi b'alternattiva li ma toħloqx ksur u li hija funzjonalment ekwivalenti.

(b) Jekk Google ma temminx li r-rimedji fit-Taqsima 14.5(a) huma kummerċjalment raġonevoli, allura Google tista' Tissospendi jew ittemm l-użu mill-Klijent tas-Servizzi affettwati.

14.6 Drittijiet u Obbligi Uniċi. Mingħajr ma jiġu affettwati d-drittijiet ta’ terminazzjoni tal-ebda parti u sal-punt permess mil-liġi applikabbli, din it-Taqsima 14 tiddikjara r-rimedju uniku u esklussiv tal-partijiet taħt il-Ftehim għal kwalunkwe Allegazzjoni ta’ ksur tad-Drittijiet ta’ Proprjetà Intellettwali koperta minn din it-Taqsima 14 (Indennizz).

15.1 Responsabbiltajiet Limitati

(a) Sal-limitu permess mil-liġi applikabbli u soġġett għat-Taqsima 15.2 (Responsabbiltajiet Illimitati), l-ebda parti u konċedenti ta’ Google mhu se jkollhom xi Responsabbiltà li tirriżulta minn jew hija relatata mal-Ftehim għal kwalunkwe (i) danni indiretti, konsegwenzjali, speċjali, inċidentali jew punittivi jew (ii) dħul, profitti, tfaddil, jew avvjament mitlufa.

(b) Ir-Responsabbiltà totali aggregata ta’ kull parti għad-danni li jirriżultaw minn jew li għandhom x’jaqsmu mal-Ftehim hija limitata għat-Tariffi mħallsa mill-Klijent taħt il-Ftehim matul il-perjodu ta’ 12-il xahar ta' qabel l-avveniment li jagħti lok għar-Responsabbiltà.

15.2 Responsabbiltajiet Illimitati. Xejn fil-Ftehim ma jeskludi jew jillimita r-Responsabbiltà ta’ kwalunkwe parti għal:

(a) il-ksur tagħha tad-Drittijiet ta’ Proprjetà Intellettwali tal-parti l-oħra

(b) l-obbligi ta’ pagament tagħha taħt il-Ftehim; jew

(c) kwistjonijiet li għalihom ir-responsabbiltà ma tistax tiġi eskluża jew limitata taħt il-liġi applikabbli.

Fid-diskrezzjoni unika tiegħu, il-Klijent jista' jikkonfigura s-Servizz biex juri jew ma jurix reklami servuti minn Google.

Is-Servizzi ġew żviluppati unikament bi spejjeż privati u huma software tal-kompjuter kummerċjali u d-dokumentazzjoni relatata fi ħdan it-tifsira tar-Regolamenti dwar l-Akkwisti Federali applikabbli u s-supplimenti tal-aġenzija tagħhom.

18.1 Avviżi. Skont dan il-Ftehim, l-avviżi lill-Klijent għandhom jintbagħtu lill-Indirizz tal-Email ta' Notifika u l-avviżi lil Google għandhom jintbagħtu lil legal-notices@google.com. L-avviż jiġi ttrattat bħala riċevut meta tintbagħat l-email. Il-Klijent huwa responsabbli biex iżomm l-Indirizz tal-Email ta' Notifika tiegħu aġġornat matul it-Terminu.

18.2 Assenjazzjoni. Il-Klijent ma jistax jassenja l-Ftehim mingħajr il-kunsens bil-miktub ta' Google, ħlief lil Affiljat fejn: (a) iċ-ċessjonarju jkun qabel bil-miktub li jkun marbut bit-termini tal-Ftehim; (b) il-parti li tassenja tibqa' responsabbli għall-obbligi taħt il-Ftehim jekk iċ-ċessjonarju jonqoshom; u (c) il-parti li tassenja tkun avżat lill-parti l-oħra dwar l-assenjazzjoni. Kwalunkwe tentattiv ieħor mill-Klijent biex jassenja huwa null. Google tista' tassenja l-Ftehim mingħajr il-kunsens bil-miktub tal-Klijent billi tinnotifika lill-Klijent dwar l-assenjazzjoni.

18.3 Bidla fil-Kontroll. Jekk parti tesperjenza bidla fil-Kontroll minbarra ristrutturar intern jew riorganizzazzjoni (pereżempju, permezz ta’ xiri jew bejgħ ta’ stokks, fużjoni, jew forma oħra ta’ tranżazzjoni korporattiva), allura: (a) dik il-parti tagħti avviż bil-miktub lill-parti l-oħra fi żmien 30 jum wara l-bidla fil-Kontroll; u (b) il-parti l-oħra tista' ttemm immedjatament il-Ftehim fi kwalunkwe ħin bejn il-bidla tal-Kontroll u 30 jum wara li tirċievi dak l-avviż bil-miktub.

18.4 Forza Maġġuri. L-ebda parti mhi se tkun responsabbli għal nuqqas jew dewmien fil-prestazzjoni sal-punt ikkawżat minn ċirkostanzi lil hinn mill-kontroll raġonevoli tagħha, inklużi atti tan-natura, diżastri naturali, terroriżmu, rewwixti, jew gwerra.

18.5 Sottokuntrattar. Google tista' tissottokuntratta l-obbligi taħt dan il-Ftehim iżda se tibqa' responsabbli lejn il-Klijent għal kwalunkwe obbligu sottokuntrattat.

18.6 Ebda Aġenzija. Dan il-Ftehim ma joħloq l-ebda aġenzija, sħubija, jew impriża konġunta bejn il-partijiet.

18.7 Ebda Rinunzja. L-ebda parti mhi se titqies bħala li tkun irrinunzjat għal kwalunkwe dritt jekk ma teżerċitax (jew jekk iddum ma teżerċita) kwalunkwe dritt taħt dan il-Ftehim.

18.8 Separabilità. Jekk xi parti minn dan il-Ftehim hija invalida, illegali, jew mhux infurzabbli, il-bqija ta' dan il-Ftehim se jibqa' fis-seħħ.

18.9 Ebda Parti Terza Benefiċjarja. Dan il-Ftehim ma jagħti l-ebda benefiċċju lil xi parti terza sakemm ma jiddikjarax espressament li jagħmel hekk.

18.10 Ħelsien Ekwitabbli. Xejn f’dan il-Ftehim mhu se jillimita l-abbiltà ta’ kwalunkwe parti li tfittex ħelsien ekwitabbli.

18.11 Liġi Applikabbli.

(a) Għal Entitajiet tal-Gvern tal-Belt, Kontea u Statali tal-Istati Uniti. Jekk il-Klijent huwa entità tal-gvern ta’ belt, kontea jew stat tal-Istati Uniti, allura dan il-Ftehim se jibqa’ sieket dwar il-liġi u l-post li jirregolawh.

(b) Għall-Entitajiet tal-Gvern Federali tal-Istati Uniti. Jekk il-Klijent huwa entità tal-gvern federali tal-Istati Uniti allura japplika dan li ġej: IT-TALBIET KOLLHA LI JQUMU MINN JEW HUMA RELATATI MA' DAN IL-FTEHIM JEW MAS-SERVIZZI SE JIĠU RREGOLATI MIL-LIĠIJIET TAL-ISTATI UNITI TAL-AMERKA, ESKLUŻI R-REGOLI TAGĦHA DWAR IL-KUNFLITT TAL-LIĠIJIET. BISS SAL-PUNT PERMESS MIL-LIĠI FEDERALI: (I) IL-LIĠIJIET TAL-ISTAT TA' KALIFORNJA (ESKLUŻI R-REGOLI DWAR IL-KUNFLITT TAL-LIĠIJIET TA' KALIFORNJA) SE JAPPLIKAW FL-ASSENZA TA' LIĠI FEDERALI APPLIKABBLI; U (II) GĦAT-TALBIET KOLLHA LI JQUMU MINN JEW LI HUMA RELATATI MA' DAN IL-FTEHIM JEW IS-SERVIZZI, IL-PARTIJIET JAGĦTU KUNSENS GĦAL ĠURISDIZZJONI PERSONALI FI, U L-POST ESKLUSSIV TAL-QORTI FIL-KONTEA TA' SANTA CLARA, KALIFORNJA.

(c) Għall-Entitajiet l-Oħra Kollha. Jekk il-Klijent huwa xi entità li mhijiex identifikata fit-Taqsima 18.11 (a) (Għal Entitajiet tal-Gvern tal-Belt, tal-Kontea u Statali tal-Istati Uniti) jew 18.11(b) (Għal Entitajiet tal-Gvern Federali tal-Istati Uniti) allura japplika dan li ġej: IT-TALBIET KOLLHA LI JQUMU MINN JEW LI HUMA RELATATI MA' DAN IL-FTEHIM JEW IS-SERVIZZI SE JKUNU RREGOLATI MIL-LIĠI TA' KALIFORNJA, ESKLUŻI R-REGOLI DWAR IL-KUNFLITT TAL-LIĠIJIET TA' DAK L-ISTAT, U SE JIĠU LITIGATI ESKLUSSIVAMENT FIL-QORTI FEDERALI JEW TAL-ISTAT TAL-KONTEA TA' SANTA CLARA, KALIFORNJA, FL-ISTATI UNITI TAL-AMERKA; IL-PARTIJIET JAGĦTU KUNSENS GĦAL ĠURISDIZZJONI PERSONALI F'DAWK IL-QRATI.

18.12 Emendi. Ħlief kif iddikjarat fit-Taqsima 1.3 (b)(Aġġornamenti; Għall-Ftehim), kwalunkwe emenda għall-Ftehim għandha tkun bil-miktub, tiddikjara espressament li qed temenda dan il-Ftehim, u tkun iffirmata miż-żewġ partijiet.

18.13 Sopravivenza. Dawn li ġejjin jibqgħu fis-seħħ wara l-iskadenza jew it-terminazzjoni ta’ dan il-Ftehim: Taqsima 2 (Termini ta’ Pagament), Taqsima 3.2 (Rekwiżiti u Restrizzjonijiet tal-Liċenzja), Taqsima 4.3 (Politika dwar id-Drittijiet tal-Awtur), Taqsima 4.4 (Użu, Protezzjoni u Privatezza tad-Dejta), Taqsima 6 (Drittijiet ta’ Proprjetà Intellettwali; Feedback), Taqsima 7 (Avviżi Legali u Termini tal-Liċenzja ta' Partijiet Terzi), Taqsima 9 (Kunfidenzjalità), Taqsima 10.6 (Effetti tat-Terminazzjoni), Taqsima 13 (Caħda ta’ Responsabbiltà), Taqsima 14 (Indennizz), Taqsima 15 (Responsabbiltà), Taqsima 18 (Mixxellanji), u Taqsima 20 (Definizzjonijiet).

18.14 Il-Ftehim Sħiħ. Dan il-Ftehim jiddikjara t-termini kollha miftiehma bejn il-partijiet u jieħu post kwalunkwe ftehim preċedenti jew kontemporanju bejn il-partijiet relatat mas-suġġett tiegħu. Meta jidħlu f'dan il-Ftehim, l-ebda parti ma tkun straħet fuq, u l-ebda parti mhi se jkollha xi dritt jew rimedju bbażat fuq, xi dikjarazzjoni, rappreżentazzjoni jew garanzija (kemm jekk magħmula b'negliġenza jew b'mod innoċenti), ħlief dawk iddikjarati espressament f'dan il-Ftehim. Dan il-Ftehim jinkludi links ta' URLs għal termini oħra (inklużi t-Termini tal-URL), li huma inkorporati permezz ta' referenza fil-Ftehim. Wara d-Data Effettiva, Google tista' tipprovdi URL aġġornat minflok kwalunkwe URL fil-Ftehim.

18.15 Termini Kunfliġġenti. Jekk ikun hemm kunflitt bejn id-dokumenti li jiffurmaw dan il-Ftehim, allura d-dokumenti se jikkontrollaw fl-ordni li ġejja: il-Ftehim u t-termini fi kwalunkwe URL.

18.16 Lingwi Kunfliġġenti. Jekk dan il-Ftehim jiġi tradott fi kwalunkwe lingwa oħra, u jkun hemm diskrepanza bejn it-test bl-Ingliż u t-test tradott, it-test bl-Ingliż se jirregola.

Din it-Taqsima tapplika jekk il-Klijent jordna S-Servizzi mingħand Rivenditur taħt Ftehim ta' Rivenditur (inkluża l-Formola ta' Ordni ta' Rivenditur).

19.1 Ordnijiet. Jekk il-Klijent jordna Servizzi mingħand Rivenditur, allura: (a) it-tariffi għas-Servizzi se jiġu stabbiliti bejn il-Klijent u r-Rivenditur, u kwalunkwe pagament isir direttament lir-Rivenditur taħt il-Ftehim tar-Rivenditur; (b) it-Taqsima 2 tal-Ftehim (Termini ta' Pagament) mhux se tapplika għas-Servizzi; (c) il-Klijent se jirċievi kwalunkwe krediti SLA applikabbli mingħand ir-Rivenditur, jekk ikunu dovuti lill-Klijent skont l-SLA; u (d) Google mhi se jkollha l-ebda obbligu li tipprovdi xi krediti SLA lil Klijent li jordna Servizzi mingħand ir-Rivenditur.

19.2 Termini Kunfliġġenti. Jekk il-Klijent jordna Servizzi Ewlenin ta' Google Maps mingħand Rivenditur u jekk xi dokumenti jkunu f'kunflitt, allura d-dokumenti se jikkontrollaw fl-ordni li ġejja: il-Ftehim, it-termini fi kwalunkwe URL (inklużi t-Termini tal-URL), u l-Formola ta' Ordni ta' Rivenditur. Pereżempju, jekk ikun hemm kunflitt bejn it-Termini Speċifiċi tas-Servizz ta' Maps u l-Formola ta' Ordni ta' Rivenditur, it-Termini Speċifiċi tas-Servizz ta' Maps se jikkontrollaw.

19.3 Ir-Rivenditur bħala Amministratur. Fid-diskrezzjoni tal-Klijent, ir-Rivenditur jista' jaċċessa l-Proġetti, il-Kontijiet jew is-Servizzi tal-Klijent f'isem il-Klijent. Bħal bejn Google u l-Klijent, il-Klijent huwa unikament responsabbli għal: (a) kwalunkwe aċċess mir-Rivenditur għall-Kont(ijiet), il-Proġett(i) jew is-Servizzi tal-Klijent; u (b) id-definizzjoni fil-Ftehim tar-Rivenditur ta' kwalunkwe dritt jew obbligu bejn ir-Rivenditur u l-Klijent fir-rigward tal-Kontijiet, il-Proġetti, jew is-Servizzi.

19.4 Verifika mir-Rivenditur tal-Applikazzjoni(jiet) tal-Klijent. Qabel ma jipprovdi s-Servizzi, ir-Rivenditur jista' wkoll jivverifika li l-Klijent jippossjedi jew jikkontrolla l-Applikazzjonijiet tal-Klijent. Jekk ir-Rivenditur jiddetermina li l-Klijent ma jippossjedix jew ma jikkontrollax l-Applikazzjonijiet tal-Klijent, allura Google ma jkollha l-ebda obbligu li tipprovdi s-Servizzi lill-Klijent.

"Kont" ifisser il-Kont tal-Pjattaforma ta' Google Maps tal-Klijent.

"Console tal-Amministratur" tfisser il-console(s) online jew id-dashboard ipprovduti minn Google lill-Klijent għall-amministrazzjoni tas-Servizzi.

“Dokumentazzjoni tal-Console tal-Amministratur” tfisser id-dokumentazzjoni attwali ta' dak iż-żmien deskritta fi https://cloud.google.com/docs. 

"Affiljat" tfisser kwalunkwe entità li Tikkontrolla direttament jew indirettament, hija Ikkontrollata minn, jew hija taħt Kontroll konġunt ma' parti.

"Allegazzjoni" tfisser allegazzjoni ta’ parti terza mhux affiljata.

“Liġijiet Kontra t-Tixħim” tfisser il-liġijiet kollha applikabbli kummerċjali u pubbliċi kontra t-tixħim, (pereżempju, l-Att tal-Istati Uniti dwar Prattiki Korrotti Barranin tal-1977 u l-Att dwar it-Tixħim tar-Renju Unit tal-2010), li jipprojbixxu offerti korrotti ta’ xi ħaġa ta’ valur, direttament jew indirettament, lil xi ħadd, inklużi uffiċjali tal-gvern, biex wieħed jikseb jew iżomm negozju jew biex jiżgura kwalunkwe vantaġġ kummerċjali mhux xieraq ieħor. “Uffiċjali tal-Gvern” jinkludu kull impjegat tal-gvern; kandidat għal kariga pubblika; u impjegat ta' kumpaniji tal-gvern jew ikkontrollati mill-gvern, organizzazzjonijiet internazzjonali pubbliċi, u partiti politiċi.

"AUP" jew "Politika dwar l-Użu Aċċettabbli" tfisser il-Politika dwar l-Użu Aċċettabbli attwali ta' dak iż-żmien għas-Servizzi deskritta fi https://cloud.google.com/maps-platform/terms/aup/.

"Karatteristiċi tad-Ditta" tfisser l-ismijiet kummerċjali, it-trademarks, il-marki tas-servizz, il-logos, l-ismijiet tad-dominju, u karatteristiċi distintivi oħra tad-ditta ta’ kull parti, rispettivament, kif assigurati minn tali parti minn żmien għal żmien.

"Informazzjoni Kunfidenzjali" tfisser informazzjoni li parti waħda (jew Affiljat) tiżvela lill-parti l-oħra taħt dan il-Ftehim, u li hija mmarkata bħala kunfidenzjali jew li normalment taħt iċ-ċirkostanzi titqies bħala informazzjoni kunfidenzjali. Din ma tinkludix informazzjoni li hija żviluppata b'mod indipendenti mir-riċevitur, hija mogħtija bi dritt lir-riċevitur minn parti terza mingħajr obbligi ta' kunfidenzjalità, jew li ssir pubblika mingħajr ebda ħtija tar-riċevitur.

"Kontroll" tfisser kontroll ta' aktar minn 50% tad-drittijiet tal-vot jew tal-interessi ta' ekwità ta' parti.

"Applikazzjoni tal-Klijent" tfisser kwalunkwe paġna web jew applikazzjoni (inkluż il-kodiċi tas-sors u l-karatteristiċi kollha) li għandha valur sinifikanti indipendenti mis-Servizzi u li hija proprjetà jew ikkontrollata mill-Klijent, jew li l-Klijent huwa awtorizzat li juża.

"Utent Finali tal-Klijent" jew "Utent Finali" tfisser individwu jew entità li l-Klijent jippermetti li jużaw is-Servizzi jew l-Applikazzjoni(jiet) tal-Klijent.

“Materjali Indennizzati mill-Klijent” tfisser l-Applikazzjoni tal-Klijent u l-Karatteristiċi tad-Ditta tal-Klijent.

"Dokumentazzjoni" tfisser id-dokumentazzjoni attwali ta' dak iż-żmien ta' Google deskritta fi https://developers.google.com/maps/documentation/.

“Prodotti Downstream ” huma siti web, applikazzjonijiet, jew prodotti oħra tal-utenti tal-Klijent. Pereżempju, jekk l-Applikazzjoni tal-Klijent hija pjattaforma li tgħin lill-utenti jibnu s-siti web tagħhom stess u jinkorporaw Google Maps f’dawk is-siti web, allura s-siti web ta’ dawk l-utenti huma “Prodotti Downstream”.

"Ewropa" jew "Ewropej" tfisser iż-Żona Ekonomika Ewropea, l-Iżvizzera, jew ir-Renju Unit.

“Liġijiet dwar il-Kontroll tal-Esportazzjoni” tfisser il-liġijiet u r-regolamenti applikabbli kollha dwar il-kontroll tal-esportazzjoni u l-esportazzjoni mill-ġdid, inkluż kwalunkwe regolament applikabbli relatat mal-munizzjon jew mad-difiża (pereżempju, ir-Regolamenti Internazzjonali dwar it-Traffikar fl-Armi miżmuma mid-Dipartiment tal-Istat tal-Istati Uniti).

"Perjodu ta' Akkumulazzjoni tat-Tariffi" tfisser xahar kalendarju jew perjodu ieħor speċifikat minn Google fil-Console tal-Amministratur.

"Tariffi" tfisser l-ammont ta' Servizzi użati jew ordnati mill-Klijent immultiplikat bil-Prezzijiet, flimkien ma' kwalunkwe Taxxa applikabbli.

"Limitu tat-Tariffi" tfisser il-limitu attwali dak iż-żmien, kif applikabbli għal ċerti Servizzi, kif stabbilit fil-Console tal-Amministratur.

"Materjali Indennizzati ta' Google" tfisser it-teknoloġija ta' Google użata biex tipprovdi s-Servizzi (eskluż kwalunkwe software bis-sors miftuħ) u l-Karatteristiċi tad-Ditta ta' Google.

"Kontenut ta' Google Maps" tfisser kwalunkwe kontenut ipprovdut permezz tas-Servizzi (kemm jekk maħluq minn Google jew minn liċenzjaturi ta’ partijiet terzi tagħha), inkluż dejta tal-mapep u tat-terren, immaġni, dejta tat-traffiku, u dejta tal-postijiet (inklużi listings tan-negozju).

"Attivitajiet ta' Riskju Għoli" tfisser attivitajiet fejn l-użu jew il-falliment tas-Servizzi jista’ jwassal għal mewt, korriment personali, jew ħsara ambjentali, inklużi (a) servizzi ta’ rispons ta’ emerġenza; (b) kontroll awtonomu u semiawtonomu ta' vettura jew drone; (c) navigazzjoni ta' bastiment; (d) avjazzjoni; (e) kontroll tat-traffiku tal-ajru; (f) l-operat ta' faċilitajiet nukleari.

"HIPAA" tfisser l-Att tal-1996 dwar il-Portabilità u r-Responsabbiltà tal-Assigurazzjoni tas-Saħħa kif jista’ jiġi emendat, u kull regolament maħruġ taħtu.

"inkluż" tfisser "inkluż iżda mhux limitat għal".

"Responsabbiltajiet Indennizzati" tfisser kwalunkwe (a) ammont ta' saldu approvat mill-parti li tagħti l-indennizz; u (b) id-danni u l-ispejjeż mogħtija finalment kontra l-parti indennizzata u l-Affiljati tagħha minn qorti ta' ġurisdizzjoni kompetenti.

"Drittijiet ta' Proprjetà Intellettwali" tfisser id-drittijiet kollha tal-privattivi, id-drittijiet tal-awtur, id-drittijiet tat-trademarks, id-drittijiet fis-sigrieti kummerċjali (jekk hemm), id-drittijiet tad-disinn, id-drittijiet tad-databases, id-drittijiet tal-ismijiet tad-dominju, id-drittijiet morali, u kwalunkwe dritt ieħor ta' proprjetà intellettwali (reġistrat jew mhux irreġistrat) madwar id-dinja.

"Proċess Legali" tfisser talba ta’ żvelar ta’ informazzjoni magħmula taħt il-liġi, regolament tal-gvern, ordni tal-qorti, ċitazzjoni, mandat, talba regolatorja tal-gvern jew ta’ aġenzija, jew awtorità legali, proċedura legali, jew proċess simili validu ieħor.

"Responsabbiltà" tfisser kwalunkwe responsabbiltà, kemm jekk taħt kuntratt, tort (inkluża negliġenza), jew mod ieħor, irrispettivament minn jekk hijiex prevedibbli jew ikkontemplata mill-partijiet.

"Termini Speċifiċi tas-Servizzi ta' Maps" tfisser it-termini fis-seħħ ta' dak iż-żmien speċifiċi għal Servizz wieħed jew aktar deskritti fi https://cloud.google.com/maps-platform/terms/maps-service-terms/.

"Servizzi ta' Appoġġ Tekniku ta' Maps" tfisser is-servizz ta' appoġġ tekniku pprovdut minn Google lill-Klijent taħt il-Linji Gwida tas-Servizzi ta' Appoġġ Tekniku ta' Maps fis-seħħ dak iż-żmien.

"Linji Gwida tas-Servizzi ta' Appoġġ Tekniku ta' Maps" tfisser il-linji gwida fis-seħħ dak iż-żmien tas-servizzi ta' appoġġ tekniku deskritti fi https://cloud.google.com/maps-platform/terms/tssg/.

"Indirizz tal-Email ta' Notifika" tfisser l-indirizz(i) tal-email indikat(i) mill-Klijent fil-Console tal-Amministratur.

"Dejta Personali" għandha t-tifsira mogħtija lilha fit-Termini tal-Protezzjoni tad-Dejta bejn Kontrollur u Ieħor ta' Google fis-seħħ dak iż-żmien fi https://business.safety.google/controllerterms/.

"Prezz" tfisser il-prezz(ijiet) applikabbli dak iż-żmien iddikjarat(i) fi https://g.co/maps/pricelist.

"Territorju Pprojbit" tfisser il-pajjiżi attwali ta' dak iż-żmien elenkati fi https://cloud.google.com/maps-platform/terms/maps-prohibited-territories.

"Proġett" tfisser raggruppament magħżul mill-Klijent tar-riżorsi tas-Servizzi Ewlenin ta' Google Maps għal Applikazzjoni tal-Klijent partikolari.

"Rivenditur" tfisser, jekk applikabbli, ir-rivenditur ta’ parti terza mhux affiljata awtorizzat li jbigħ jew jipprovdi s-Servizzi lill-Klijent.

"Ftehim tar-Rivenditur" tfisser, jekk applikabbli, ftehim separat u indipendenti bejn il-Klijent u r-Rivenditur dwar is-Servizzi.

"Formola ta' Ordni ta' Rivenditur" tfisser formola ta' ordni li ssir mir-Rivenditur u l-Klijent, soġġetta għall-Ftehim tar-Rivenditur.

"Servizzi" u "Servizzi Ewlenin ta' Google Maps" tfisser is-servizzi deskritti fi https://cloud.google.com/maps-platform/terms/maps-services/. Is-Servizzi jinkludu l-Kontenut u s-Software ta' Google Maps.

"SLA" jew "Ftehim tal-Livell tas-Servizz" tfisser kull wieħed mill-ftehimiet tal-livell tas-servizz fis-seħħ dak iż-żmien fi: https://cloud.google.com/maps-platform/terms/sla/.

"Software" tfisser kwalunkwe għodda li tista' titniżżel, kits għall-iżvilupp ta' software, jew software tal-kompjuter ieħor ipprovduti minn Google għall-użu bħala parti mis-Servizzi, inklużi l-aġġornamenti.

"Issospendi" jew "Sospensjoni " tfisser id-diżattivazzjoni tal-aċċess għal jew l-użu tas-Servizzi jew komponenti tas-Servizzi.

"Taxxi" tfisser l-obbligi kollha tat-taxxa imposti mill-gvern (inklużi taxxi, dazji, u taxxi f'ras il-għajn) esklużi dawk ibbażati fuq id-dħul nett, il-valur nett, il-valur tal-assi, il-valur tal-proprjetà jew l-impjieg ta’ Google.

"Terminu" għandha t-tifsira ddikjarata fit-Taqsima 10.1 tal-Ftehim.

"Proċediment Legali ta' Terza Parti" tfisser kwalunkwe proċedura legali formali ppreżentata minn parti terza mhux affiljata quddiem qorti jew tribunal tal-gvern (inkluż kwalunkwe proċediment ta' appell).

"Linji Gwida dwar it-Trademarks" tfisser (a) it-Termini u l-Kundizzjonijiet tad-Ditta ta’ Google li kienu fis-seħħ dak iż-żmien, li jinsabu fuq: https://about.google/brand-resource-center/brand-terms/ u (b) it-taqsima “Użu ta’ Trademarks” tal-paġna tal-permessi “Użu ta’ Google Maps, Google Earth u Street View” f' https://about.google/brand-resource-center/products-and-services/geo-guidelines/#geotrademark.

“Termini tal-URL” tfisser dawn li ġejjin, li se jikkontrollaw fl-ordni li ġejja jekk ikun hemm kunflitt:

(a) it-Termini Speċifiċi tas-Servizz ta' Maps;

(b) l-SLA;

(c) l-AUP;

(d) il-Linji Gwida tas-Servizzi ta' Appoġġ Tekniku ta' Maps;

(e) l-Avviżi Legali għal Google Maps/Google Earth u l-APIs ta' Google Maps/Google Earth fuq https://www.google.com/help/legalnotices_maps/; u

(f) it-Termini Addizzjonali tas-Servizz ta' Google Maps/Google Earth fuqhttps://maps.google.com/help/terms_maps/.

Il-Klijent jaqbel mal-modifiki li ġejjin għall-Ftehim jekk l-indirizz tal-kontijiet tal-Klijent ikun fir-reġjun applikabbli kif deskritt hawn taħt:

Modifikat l-aħħar 3 ta’ Marzu 2025